If you be woman wey your man dey cheat on you with another woman, make you take break and move on with your life. Unless maybe him dey pay 98% of your bill, then you fit stay. But if not, make you no waste your time.

For centuries, women don dey lose their husbands to other women wey promise them love for money. Wetin we dey see today no be new thing, na just say more women dey fight over one man instead of using that energy to make impact for their life.

Nothing last forever, and if you think say starting with a man wey get nothing, no go leave you when him get something. Na 50/50 chance we dey so. I go even suggest say if you no get mind no even try am e dey like gambling. I dey recommend wetin author of 'Rich Dad, Poor Dad' do for him wife when dem first meet. Him offer her skills to learn how to be self-reliant, not to depend on him or any man.

But for Naija the story different, we get men wey know say their woman no fit move because she dey depend on them financially. So she go dey fight sidechick instead of building herself. The issue no be sidechick, na main chick. Main chick need to show confidence for herself, whether for business, career, or passion. She need to build herself to be woman wey people see and say 'I want to be like this woman'.

If you no work on yourself, your husband fit bring sidechick come make am main chick. So invest for yourself, learn skills, and use am to solve problems for your community. Do something you never do before - read book, join book club, join women community wey dey change lives. If your husband dey give you money, sponsor NGO project. Do something wey go take you out of pain and give you fulfilling life.

Lastly, be like goddess and listen how people dey talk about you for your husband presence. You go see say him go come back to you, him true lover.